Verkefni fyrir elstu börnin
Elstu börnin hafa mikla þörf fyrir að takast á við verkefni sem reyna á færni bæði andlega og líkamlega. Sérstök áhersla er lögð á að þetta eru leikskólaverkefni og að hugmyndafræði og starfsaðferðir leikskóla eru lagðar til grundvallar. Með ýmsum krefjandi verkefnum læra þau að fullvinna verk sín, þjálfa einbeitingu, færni og úthald.
Á Heiðarseli byrja verkefni elstu barna í september og eru fjóra daga vikunnar í vinnustundum. Þá vinnum við með lífsleikni, markvissa málörvun, Ótrúleg eru ævintýrin, sögugrunn, hreyfingu og vettvangsferðir.
Markmiðið með þessum stundum er að:
- Brúa bilið milli leik-og grunnskóla
- Að stuðla að vellíðan og öryggi barnsins við að flytjast af fyrsta skólastiginu yfir á það næsta
- Að mynda samfelldni í námi barnsins
- Að barnið upplifi grunnskólann sem eðlilegt framhald leikskólans
Farið er í útskriftarferð á hverju vori með öll elstu börnin.